उन्हाळ्याची दुपार म्हटली की मला आठवते ती शाळेत असतानाची उन्हाळ्याच्या सुट्टीतली दुपार !
निरव शांततेत पंख्याच्या आणि कुलरच्या संमिश्र आवाजात घालवलेली दुपार;
फ़्रिज मधे ठेवलेल्या साच्यांमधल्या दुधाच्या कुल्फ़्या आणि लांबट पिशव्यांमधे ठेवलेल्या रंगीत पाण्याचा बर्फ़ाळ पेप्सीकोला कधी होणार याची वाट बघत आणि १० वेळा फ़्रिज उघडुन बघत घालवलेली दुपार;
आवडता सिनेमा बघत एकीकडे आमरसासाठी आईला आंबे पिळुन देताना घालवलेली दुपार;
आईने केलेल्या ताज्या ताज्या ताकातला लोण्याचा गोळा खायला मिळण्यासाठी स्वैपाकघरात लुडबुड करत काढलेली दुपार ;
आता पुन्हा मला २०११ चा तसाच उन्हाळा खुणावतोय ; पण तशी दुपार किंबहुना तश्या ’दुपारी’ मिळणं मात्र :)
